الجزء الخامس – سكرم تخطيط السبرينت – Sprint Planning in Scrum

تخطيط السبرينت -السكرم

Sprint Planning in Scrum

بالمرة الماضية حكينا عن لعبة البوكر وكيف انو التيكيتات يلي هي القصص يتم تقييمها بنقاط قصة

بعد مايتم هالشي في جلسة اسمها backlog refinement

بيتم انشاء جلسة جديدة بتكون ببداية السبرينت (اي السكرم بيعتمد على اجتماعات كتيرة ودورية) بهي الاجتماع بيكون في مجموعة

قصص جاهزة ومقيمة بالنقاط من جلسة السابقة

 

بهي الجلسة بيقوم (صاحب المشروع) او مايعرف بالانكليزي بالبرودوكت اونر بترتيب القصص حسب الاهمية وبعدين بيسأل الفريق كم نقطة بتحسنو تعملو بهاد السبرينت

يتم تقدير عدد النقط يلي بيحسن الفريق اخدها اعتمادا على عدة عوامل متل مين من الفريق باجازة , كم نقطة تم تنفيذها بالسبرينت السابق, ,و عدد الاشخاص المتواجدة بهالسبرينت لتنفيذ القصص

بعد مايحدد الفريق عدد النقط ممكن يقولو نحن منحسن نخلص ٥٠ نقطة, بيقوم صاحب المشروع بيختار القصص حسب الاوليات لحتى يصير مجموع نقاط القصص ٥٠, وبيحطهم بالسبرينت

هيك صار السبرينت عبارة عن كينونة محمية من التاسكات المفاجئة , وصار مدير او مايعرف بصاحب المشروع بيعرف اديش الفريق بيحسن ينفذ خلال هالسبرينت. وبنفس الوقت الفريق بيصير ملتزم يخلص هدول القصص

اذا حس الفريق انو ٥٠ نقطة كانت فشل بنهاية السبرينت وحسن بس يخلص ٤٠ نقطة, بيحاولو يصلحو هالشي بالسبرينت يلي بعدو وبس بياخدو ٤٠ نقطة

يعني النتيجة فريق عندو ضغط عمل متوازن مالو قاعد فاضي وبنفس الوقت ماعبيسهر بالليل وعبيجي بالعطلة ليخلص المشروع

لميس

إسمي لميس, اعمل كمهندسة برمجيات في شركة إكسينغ في ألمانيا. بدأت في رحلة العمل في المجال البرمجي منذ أكثر من ١٠ سنوات في سنة ٢٠٠٣ كانت بداية رحلتي المهنية حيث كانت بدايتي مع ألعاب الفلاش.. حالياََ انا استخدم العديد من الأدوات البرمجية في العمل فنحن بحاجة ماسة للإطلاع على احدث التقنيات. هدفي هو نقل ما أتعلمه للمشاركة به وتبادل الخبرات مع الجميع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *