إدارة المشاريع عن طريق السكرم Scrum

السكرم SCRUM
بالبوست السابق تحدثت عن السكرم وكيف انو هي الكلمة الشائعة بين الشركات لتنظيم المشروع وحتى بالمسلسلات متل مسلسل سيليكون فالي

الكلمة لحالها وقت بتسمعها بتفهم انو الشخص عبيحاول يحسسك انو هو على مستوى معرفة تاني وانو هو شخص على اطلاع باخر ماحررته الشركات التكنولوجية

باختصار السكرم هي اسلوب ادارة مشروع حديث ,بحيث انو مو بس انا بجيب تاسكات وبعطيها للموظف وانما بحط هدف لازم يحققو وبقارب بين الرؤية تبع اصحاب المشروع و فريق العمل

كيف هالشي بيصير؟ اول شي لازم يكون في شي اسمو مالك مشروع, مالك المشروع بيفهم طلبات المشروع من صاحب المصلحة يلي هو مايعرف بال Stakeholder

مالك المشروع بيحول الرؤية تبع المشروع لقصص وليس تاسكات , شو يعني قصة؟ يعني شي ممكن صاحب المشروع او مدير المشروع او الفريق التقني يحسنو يفهمو حتى لو ماكانو بيعرفو برمجة

كمثال عن القصة ممكن يقول “as a client I want to have edit page to articles so that I can correct mistakes for any article”

القصة هي Story

بمعنى اخر القصة هي لازم دائما تبدأ ببداية وتنتهي بسبب لذلك دائما القصة بتبدأ بهالشكل

As a [developer/client/manager/product owner]
I want to […]
So that I can [..]

هي القصة بيجتمع الفريق وبيحاولو يقدرو اديش حجمها, وبعدين بيحطوها بما يعرف بال SPRINT

شو هو السبرينت؟ هاد الشي حنحكي عنو بالبوست القادم

Boost Post

لميس

إسمي لميس, اعمل كمهندسة برمجيات في شركة إكسينغ في ألمانيا. بدأت في رحلة العمل في المجال البرمجي منذ أكثر من ١٠ سنوات في سنة ٢٠٠٣ كانت بداية رحلتي المهنية حيث كانت بدايتي مع ألعاب الفلاش.. حالياََ انا استخدم العديد من الأدوات البرمجية في العمل فنحن بحاجة ماسة للإطلاع على احدث التقنيات. هدفي هو نقل ما أتعلمه للمشاركة به وتبادل الخبرات مع الجميع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *