الجزء الثاني – إدارة المشاريع عن طريق سكرم SCRUM – السبرينت Sprint

13346191_1912380665655188_2463743940736789342_o.png

SCUM – Sprint

تحدثنا بالبوست السابق عن السكرم وكيف انو مالك المشروع هو يلي بيحدد القصص او المتعارف عليه بعالمنا بالتاسكات

اليوم حديثنا حيكون عن السبرينت sprint

السبرينت ترجمتو بجوجل هو السباق السريع, واما بالنسبة لادارة المشاريع فهو مدة محددة يجب انهاء كمية من القصص فيها, هذه الكمية يتم تحديدها بين الفريق ومالك المشروع

في مصطلحين لازم نعرفهم بشكل واضح قبل مانبدأ بالحكي عن السبرينت

في صاحب او مالك المشروع وهو الشخص المسؤول عن كتابة وتنظيم القصص في المشروع وبيتعامل بشكل مباشر مع الفريق واسمو بالانكليزي product owner

واصحاب المصلحة وهدول هنن الاشخاص يلي اشترو المنتج, غالبا وقت بيكون المنتج داخلي بشركة بيكون صاحب المصلحة هو الشخص يلي طلب المنتج من القسم او المدير وباحيانا اخرى صاحب المصلحة بيكون من خارج الشركة ودائما اسمو بالانكليزي stakeholder

المهم بعد ما مالك المشروع يكتب كل القصص لبداية المشروع بيصير عندو كم كبير من القصص يلي بيراكمها بمكان اسمو backlog

بعدين بيتم اختيار قصص معينة بحضور الفريق ومالك المشروع وبيتم وضع هذه القصص في السبرينت

طبعا متل ماحكينا السبرينت هو مدة محددة من اسبوع او سبوعين, بس الهدف منو انو بنهاية هالمدة الزمنية تكون القصص المحددة منهية

ليش قصص مو تاسكات؟ لانو القصة هي ميزة متكاملة يعني بنهاية المدة الزمنية المحددة للسبرينت حيكون في شيء واضح يمكن ايصاله لاصحاب المصلحة ليحسنو البدأ بالعمل به

طيب كيف بحدد الفريق انو نحن منحسن نخلص قصة او قصتين او ٥ او ١٠

هاد الشي يتم عن طريق تحديد حجم القصة عن طريق لعبة البوكر وهو موضوع كامل حنحكي عنو بالبوست القادم

لميس

إسمي لميس, اعمل كمهندسة برمجيات في شركة إكسينغ في ألمانيا. بدأت في رحلة العمل في المجال البرمجي منذ أكثر من ١٠ سنوات في سنة ٢٠٠٣ كانت بداية رحلتي المهنية حيث كانت بدايتي مع ألعاب الفلاش.. حالياََ انا استخدم العديد من الأدوات البرمجية في العمل فنحن بحاجة ماسة للإطلاع على احدث التقنيات. هدفي هو نقل ما أتعلمه للمشاركة به وتبادل الخبرات مع الجميع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *